ازاى تتكلم انجليزى وتمارس اللغه وببلااااش !

                                         اتكلم !
                                    
نيجى بقى للجزء يعنى الى هيفرق مع اى حد ! الى هو يعنى الى هيخليك بدل ما انت بتتكلم انجليزى مصرى يبقى بتتكلم انجليزى انجليزى :] و يعنى ايه دا ؟ يعنى الانجليزى الى انت بتسمعه ف الافلام او الى بتشوفه على التليفيزيون .... الانجليزى يجدع ! بتاع برا !  ........... ايون انت ممكن تكلم الانجليزى دا وبطريقه مرحة جدا وسهله وفعاله جدا ؟

ودا الى هو ازاى ؟

ودا الى هو Language Exchange  او تبادل اللغه او ممارسه اللغه ! سميها زى ما تسميها براحتك !

المهم بقى ان احنا الوقتى فهمنا ان انا عشان اتكلم انجليزى زى بتاع الامريكان يبقى لازم يا اما امارس اللغه معاهم او مع حد بيتكلم زيهم بالظبط. طيب هنعمل دا ازاى لو احنا ف القاهره !

بص هنا بقى انا هقولك على مجموعه من مبادارات عملها شباب حلوه جدا هدفها انها تظبط الانجليزى بتاعك يبقى زى الاجنبى بشكل حلو ومن غير فلوس تذكر وقبها ازاى تظبط العقليه بتاعتك انك تستفيد من الكلام دا

طيب ايه المطلوب منك بقى  

·        تكون شخص ملتزم ومقدر الى انت بتعمله عشان تستمر عليه. مش تروح مره تفكس

·         تشيل من دماغك خالص فكره الكسوف انك تتكلم وحد يعلق عليك ... وارجوك طبعا متعلقش على حد

·         تشوف المراكز الى تحت دى وتظبط لنفسك خطه حلوه ان المواعيد دى مقدسه بالنسبه لك (فاكر الالتزام؟!)

·        اللغه مبتجيش لوحدها .. اللغه بتيجى مع الثقافه يعنى يا معلم خليك منفتح واقبل الاشخاص المختلفين عنك بصدر رحب واعمل صداقات وعلاقات قويه تفيدك ف حاجات كتير

·       متنساش تحط لنفسك خطه تمشى عليها زى الالف واى خطه بدون هدف ووقت مصيرها الضياع ! فاكر كام مره بدات تذاكر انجليزى ومكملتش ؟

نبتدى بقى J

_______________________________________________

Mosaic club
ودول بيزوروا اماكن سياحية ويعملوا ممارسة للانجلش بيعملوا ايفينت كل أسبوع
ودى صفحتهم على الفيس بوك : https://www.facebook.com/MosaicClubEgy
Phone 0100 106 0685
Email m.a.zeineddin@gmail.com
Gmail: Mosaicclubegy@gmail.co
___________________________________________________

FOOD – US  
بيتقابلوا كل 15 يوم يعملوا ممارسة لمدة 3 ساعات او اكتر
وده لينك صفحتهم على الفيس بوك : https://www.facebook.com/1FOODus

Website https://groups.google.com/forum/#!forum/...
___________________________________________________

American Embassy English Club
نادى المحادثة بالسفارة الأمريكية 
ودى بيبقى يوم الأربعاء من كل أسبوع من 3 ل 4 وبيتطلب انك تكون عضو فى IRC
ودى تعملها ازاى بأنك تاخد صورة من البطاقة بتاعتك وتروح تعمل العضوية هناك مجانا
Phone : 02 27973300
Email : pressinfoegypt@state.gov
Website : http://egypt.usembassy.gov

______________________________________________________

I Learn 
وده نادى للمحادثة 
كل أسبوع ايام الاحد من 9 ل 10 م
والاربعاء من 5 ل 6 
مجانا 
العنوان : عمارة رقم 3 مكرر، الدور الثانى , ميدان لبنان , المهندسين , الجيزة
Phone 02-33467889 / 01024132876
Emai : l ilearncairo@gmail.com
Website : http://ilearncairo.com
https://www.facebook.com/ilearncairo
http://ilearncairo.com/conversation
______________________________________________________

Cairo ToastMasters Club 
طيب عايز تتدرب على البرزنتيشن بالانجلش ويبقى بردو بتمارس انجلش 
يبقى أول و تالت يوم أربعاء من كل شهر
العنوان : معهد جوته 
Phone : 01019-586-501
Email : ahmedsamir.tm@gmail.com
https://www.facebook.com/CairoTM

______________________________________________________

High Charisma Academy

ودول عندهم نادى لممارسة اللغة الانجليزية 
العنوان : 44 El Sharifa Dina st, Maadi, Cairo
Phone: (+202)23584790 (+202)23584790/1 (+202)23807005 (+202)23807005
Email : training@highcharisma.net
Website : http://highcharisma.net/
https://www.facebook.com/High.Charisma.Academy 

______________________________________________________

USE it or LOSE It

ودول عندهم نادى لممارسة اللغة الانجليزية وبيعملو الجلسه كل يوم جمعه ف حديقه ام كلثوم   
وتقدرو تتاكدو  من خلال الصفحه  بتاعتهم
https://www.facebook.com/UOL.Official/timeline

______________________________________________________

طيب وبكدا نكون عرفنا الاماكن الى نقدر نمارس فيها اللغه بدرجه كبيره جدا وفايدتها وازاى نستفيد منها باكبر شكل . وبكدا يكون بقى لينا حاجه اخيره وهى ان احنا نعمل تبادل للغتنا مع حد من برا على النت بحيث نستفيد ونفيد بشكل اكبر وشبه يومي وطبعا مفيده جدا للناس الى برا القاهره  :)  ودى بقى هنتكلم عنها ف المقاله الجايه  ان شاء الله
Stay Tuned !

لو عايز تعرف ازاى تبدا تزاكر انجليزى لوحدك بص على المقاله الى هنا 

                                                 لو عايز تعرف ازاى بتدا ف الانجليزى واماكن الكورسات يبقى هنا                  عشان تتعرف على حد يساعدك تتعلم من برا والمواقع الى من خلالها تقدرتتكلم مع اجانب هنا