نبدأ بقى ! لوعايز تكلم انجليزى
دلوقتى احنا قررنا نتعلم انجليزى , يبقى لازم حاجه اساسيه او منهج نمشى عليه ونعمل لنفسنا زى جدول كدا نمشى عليه.
طيب انا هنا فى المقاله دى المفروض هقولك ازاى تحدد مستواك وايه هى المصادر الى تقدر تتعلم منها وتتعامل معاها ازى ؟ !
انا هنا هقولك على ازاى تقدر تحدد مستواك بشكل بسيط جدا وسهل وتقدر تعمله مع نفسك من غير فلوس !
خد عندك دى يا سيدى .... لو انت بتعمل اى حاجه ف مستواك يبقى لازم تكون انت فاهم فيها على الاقل 85% يعنى مثلا لو بتقرا كتاب ولقيت ف الصفحه اكتر من 10 كلمات انت مش عارفهم يبقى تركنه وتجيب حاجه اقل منه وبالطريقه دى هنمشى ف الفيديوهات او الكورس او اى حاجه تانيه بتتعلم منها ! لازم تكون بتحس انك مستمتع وفاهم مش قاعد تحفظ شويه كلام جديد ........
طيب ايه بقى الى ممكن نتعلم منه ؟
عندك حاجات كتير وانت هتكتشف اكتر بعدين ف انا هنا هقولك مجموعه من المصادر الى ممكن تتعلم منها وبعدين تحدد انت مستواك فيها بنفس الطريقه الى قلنا عليها فوق دى وتلتزم بقى وتبدأ تشتغل.
هبدا كدا بحاجه بسيطه جدا وسهله للناس الى بتبدا من الاول خالص !
· English for You
تعريفه: ودا كورس معروف جدا ف العالم وشافه بس تقريبا 9 ميليون شخص. فدا حاجه محترمه جدا لاى حد بيبدأ او طالب ف المدرسه ومضايق من مدرسه :] و متقسم ل 3 مستويات بدائيه
طريقه المذاكره: حضرتك اكيد عندك فكره عن مستواك مثلا يا مبتدأ خالص Beginner يا اما بدات Elementary او متوسط Intermediate ولو مش عارف مستواك سهله جدا ! ابدا باول فيديو ف Beginner لو لقيته فى حاجات صعبه عليك سريع يبقى انت ف المكان الصح لقيته سهل جدا يبقى كل شويه تطلع لحاجه اعلى وتقيس بنفس الطريقه الى قلنا عليها.
· Speak English With Misterduncan
تعريفه: كورس معروف جدا ف العالم وشافه بس تقريبا 62 ميليون شخص. فدا حاجه محترمه جدا لاى حد بيبدا بس عنده شويه معلومات ... دا مثلا ممتاز للشباب الى هما Intermediate والناس الى حابه تتعلم اللهجه البريطانيه ! :]
طريقه المذاكره: حضرتك اكيد هنا تبدا وانت مستواك متوسط Intermediate وبردو هتجرب بالطريقه الى قلنا عليها عشان لازم تتاكد ان الموضوع ممتع بالنسبه لك فانت هتبدا بالكورسLearning English with Misterduncan' وبعدين تبدا فى Misterduncan's 'FULL ENGLISH' وبعدين تبدا بقى ف باقى Playlists الى هو عاملها او ممكن تنقنق فيها كدا وانت ف النص.
· Magic English – Fun with Disney
تعريفه: ودا عباره عن مجموعه من فيديوهات انجليزى معموله على كارتون Disney وهى مناسبه لحد مستواه Intermediate كدا وبرضو ناتكد من المستوى بنفس الطريقه الى قلنا عليها
طريقه المذاكره: حضرتك اكيد هنا تبدا وانت مستواك متوسط Intermediate وبردو هتجرب بالطريقه الى قلنا عليها عشان لازم تتاكد ان الموضوع ممتع بالنسبه لك فانت هتبدا بالكورس باى فيديو من بتوع Magic English وبعدين تكملهم كلهم لحد ما تخلصهم وحتى لو لقيتهم سهلين بالنسبه ليك لازم تشوف كل فيديو سبع مرات على الاقل انا بفضل (17x2x) وهى الفيديو 1 الواحد 2 مرتين يوميا لمده 7 سبع ايام. وبعدين شوف الفيديو الى بعديه وهى مش بالترتيب J
تقريبا كل القواعد وعددها قليل, فدى مثلا ممكن تستخدمها لو عايز تراجع ع القواعد بتاعتك او محتاج تذاكر شويه قواعد.
طريقه المذاكره: : حضرتك اكيد هنا تبدا وانت عارف انك عندك مشكله ف القواعد فهتتعلم هنا القواعد بس انا مش بفضل انك تقعد تحفظ القاعد وتطبق عليها لحد ما تمل لا ادخل خد فكره واتعلم بكرا J بمعنى انى قرأ وافهم القواعد واشوف الفيديوهات بس لو شفت الفيديو ولقيته صعب ومش قادر افهم وحاول فيه كذا مرا الاقيه صعب يبقى اسيبه واخلى اللينك عندى كمرجع لما احتاجه وانا هيبقى اهتمامى الاكبر على فيديوهات تانيه مثلا بتاعتJennifer او engVid او بسمع AJ Houg القصد هنا انى الاعتماد الاساسى على الكورسات الحياتي دى بس !
طريقه المذاكره: : حضرتك اكيد هنا تبدا وانت عارف انك عايز تتعلم لهجه بريطانى وتعرف الثقافه والحياه هناك والى منها هترفعك 100 درجه لقدام لو استخدمت طريقه : 7x2x1)).
· Real English
تعريفه: ودا عباره عن مجموعه من فيديوهات بتككلم مع ناس ف الشارع و بتجيبلك بقى الانجليزى من ناس مختلفه ف امريكا فهو ممته جدا و مفيد ف التحدث بطلاقه
https://www.youtube.com/channel/UCUqbE6Sd6DW6M6ZBkZFDfmA
طريقة المذاكره: حضرتك هتبدا هنا بهدف تقويه القاعده اللغويه والثقافيه واللهجه ف دى فيديوهات رائعه
جدا وبرضو نفس طريقه7x2x1 عشان اللهجه والكلمات تدخل ف العقل الاواعى وتخرج بعدين بشكل تلقائى.
نيجى بقى هنا لاخر واهم حاجتين اى طالب عايز الانجليزى بتاعه يبقى Native Native يعنى مش اى كلام لازم يعدى عليهم بشكل او باخر
· Rachel's English
تعريفه: ودا عباره عن مجموعه من فيديوهات بتكلم فيها مدرسه اسمها راتشل J (يا فقاقتك) بس دى بقى استاذه ورئيسه قسم (تعبير مجازى انا معرفش) ف تعليم ال American Accent هتعلمك الحروف والكلمات والوصل والفصل وكله! دى لوحدها انجاز يشهده كله الطلبه J
https://www.youtube.com/channel/UCUqbE6Sd6DW6M6ZBkZFDfmA
طريقة المذاكره: انا بصراحه مش عارف اقولك هنا تبدا منين وتسيب منين لانهم كلهم حلوين بس على الاقل نخلى ف الاول الفيديوهات الى بتكلم على النطق فقط بتاع الحروف و consonants و vowels و نعيش بقى ف الباقى J وبردو نفس طريقه 1x2x7 بس ممكن نختصر عدد المرات الى يوم واحد لان اغلب الفيديوهات قصيره جدا وحلوه جدا J
· engVid
تعريفه: انا بعتبره الجامعه بتاعتك وانت بتتعلم يعنى انت يباشا هتلاقى هنا Grammar و Vocabulary و Accent ونصايح ومدرسين من كندا و امريكا وبريطانيا (دا استنتاج منى مش اكيد ) ودهب ويقوت ومرجان J
https://www.youtube.com/user/engvidenglish/playlists
طريقة المذاكره: انت هنا ف مغاره على بابا و على ماما وعلى كل حاجه وكل الفيديوهات حلوه انت ادخل شوف فيديو لكل مدرس من الى عندهم والى يعجبك وتحس انك ارتحتله دوس ف القناه بتاعته ع الاخر.
ملحوظه مهمه بخصوص طريقه 1x2x7:
سعادتك لازم تفهم ان الطريقه دى معموله خصيصا للبرامج المسموعه واحنا الى بننقلها للفيديو لانها فعلا عملت المطلوب منها بشكل خرافى وهدفها ببساطه ان كل ما انت تسمع هتخلى المعلومه تتحفر بشكل طبيعى ف عقلك الاواعى وعليه مثلا انت اول 3 مرات انت بتسمع بس وتحاول تجمع الى تقدر عليه بعدين بتبدا تحاول تقلد شويه بشويه وتقلد يعنى تقلد مش تعيد الكلام تانى.
· AJ Hoge – Power English
تعريفه: ودا عباره عن مجموعه من ملفات ال MP3 الى بتتكلم بشكل تلقائى وممتعه جدا
طريقة المذاكره: حضرتك هتبدا هنا بهدف تقويه القاعده اللغويه والثقافيه واللهجه ف دى صوتيات رائعه جدا وبرضو نفس طريقه7x2x1 عشان اللهجه والكلمات تدخل ف العقل الاواعى وتخرج بعدين بشكل تلقائى. (الراجل دا اصلا الى انا جبت منه حوار 1x2x7) وتفضل تسمع ف نفس الملف لحد ما تحس انك شربته :]
· Reading
تعريفه: انا هنا الصراحه مش جايب كورس محدد بس لهدف لان انت لازم تقرا قصه او مقاله او اى شيئ بيتقرى بس لازم تكون بتحبه وممتع بالنسبه لك ولو لسه يعنى مش مقدر دور ع النت على مثلا stories for kids على حسب مستواك بقى والى تحبه
http://www.goodnightstories.com/read.htm
طريقة المذاكره: هنا وانت بتقرا القص لازم تكون اولا مستمتع بيها وثانيا ميكونش ف الصفحه الواحده اكتر من 5 كلمات جداد عليك عشان يبقى سهل عليك تستنج معناهم وتبدا تخمن معنى الكلام الجديد وتكمل قرايه ولما تكرر الكلمه الجديده هيتكرر معاها تخمينك وف نهايه القصه هتكون استمتع وعرفت معنى الكلمات الى اتكررت قدامك كتير من غير ما تقعد تحفظ كلمات.
· Writing
تعريفه: لازم تكتب عشان تقدر تعبر عن نفسك وعن المهارات الى انت بتتعملها ف الانجليزى
طريقة المذاكره: اكتب عن الحاجات الى بتحبها او الى انت عايز تكتب فيها ولو ف البدايه حسيت ان الموضوع صعب ابقى لخص القصص بتاعت AJ-Hoge الى سمعناها فوق دى بمعدل مقاله كل اسبوع
· Watch Movies
تعريفه: اتفرج على افلام :] ---- اظن مفيش احلى من كدا
طريقة المذاكره: بص يا سيدى هتيجى مثلا سعادتك تجيب مثلا افلام الانيمى الى انت بتحبه. ليه الانيمى؟ لسببين
1- الانجليزى بتاعها اسهل وعاده جوها حلو
2- مفيهاش مشاهد استغفر الله العظيم !J فاتقى الله كدا ونقى حاجه متشيلناش ذنوب
طريقة المذاكره: اولا تشوف الفيلم للمره الاولى عادى كائنك بتتفرج عادى وبتستمتع بيه وبعدين ف مره تانيه نشوفه بقى بترجمه انجليزى ولو انت مستواك ضعيف او لسه pre-intermediate يبقى براحه على نفسك كدا ومش لازم تدقق ف كل حاجه عشان متزهقش ! انا لسه بتعلم لحد الوقتى وهفضل اتعلم لحد ما اموت! وتيجى بقى تركز بودانك على كل حاجه الناس بتقولها لحد ماتخلص الفلم ومره تانيه نعيد نفس الطريقه ونبدا نركزبعد السمع نبص انا سمعت صح ولا لاء ومره تانيه ومره تانيه وبعدين نبدا كل ما نسمع حاجه نوقف ونشوف الجمله والسياق ونبدا نعيد ونزيد لحد ما نسمعه ولو ف حاجه انا بشوفها مش سامعها مع التكرار هتسمعها ! اسئالى انا ! :] لحد مثلا ما تكون شفتلك الفلم مثلا بتاع 8 مرات ف الشهر كدا ولا حاجه
طيب الوقتى لو بدات تتلخبط وتفكر هو انا هعمل دا كله ! اقولك لاء طبعا ابسولوتليلى ! J بس يا بشا انا هقولك على الخطه المتينه.
1- لو افترضنا ان اغلبنا الوقتى ف الجامعه وخلافه ف اليوم نعتبره بيبدا ف المواصلات يبقى بدل ما هنسمع اغانى مبتفيدش (وناخد عليها ذنوب) هنقعد نسمع المعلم AJ-Hoge انا بعمل كدا كل يوم تقريبا !
2- كل يوم ف الليل كدا نشوف لنا من نص ساعه ل ساعه فيديوهات انجليزى من الى قلنا عليها فوق دى والى قلبك انت يحبها. انا بعمل كدا برضو J
3- هنروح بقى نبدا نقرا مقال مثلا كل يومين واحد ونقرا بصوت عالى حتى لو اهلك هيعتبروك اهبل انا بقرأ سعات من على voice of America او مقالات من صفحات مختلفه انا بحبها
4- هنكتب مقال كل يوم جمعه - انا بكتب تقريبا كل يوم بحكم شغلى !
5- طيب كدا بقى نيجى لمين هيظبط لنا القرائه والكتابه ! دا هيكون ال Exchange Partner ودا هنعرف نجيبه من المقاله بتاعت اندمج !
6- اتفرج على افلام بقى ! كل يومين كدا فلم
وبكدا باذن الله تعالى لو التزمت مع نفسك وعملت الحاجات دى للمده من 6 شهور لسنتين
وهتبقى اوستاااااااااااذ وتبقى مش عارف تكلم عربى تانى وعايز تتعلم لغه تانيه!
لو حابب تعرف ازاى تحسن الكلام والاماكن الى ممكن تمارس فيها اللغه وببلاش! يبقى هنا لو حابب بقى تعرف ايه اماكن الكورسات واذاكر ازاى والكورسات ممكن تفيد ف ايه يبقى هنا
لو عايز تعرف ازاى تتعرف على اجانب يعلموك انجليزى يبقى هنا
